أيه الكارثة الي بتحصل في الصين والعالم حالياً !!
من يومين بالظبط أكتشفوا أكتر من 55 حالة جديدة من فيروس كورونا في سوق (بيكين) للأسماك.. بعد ما الصين قعدت شهرين (50) يوم من غير أي إصابه وقولنا ان كل حاجه بقت تمام والصين قدرت تسيطر ع المرض..!!
بس الغريب بقا أن المصابين دول كان عندهم أعراض غريبة مختلفة عن أعراض فيروس كورونا الطبيعي الي العالم كله عارفو..
وبيقول دكتور بكلية الطب في جامعة ووهان :
(تم أكتشاف سلالة جديدة من فيروس كورونا في مدينة بكين وأنه أكثر عدوي من السلالة المكتشفة في مدينة ووهان) !!
والطبيب ده أسمه (يان تشانزو) وقال كمان أن الفيروس الي أكتشف من يومين أطلق عليه أسم (SARS_cov_2) وقال أن الفيروس ده أكثر سرعه في الأنتشار وقريب جدًا هيخرج للعالم وحظر العالم كله منه..
وده بقا فيروس خليط كده بين السارس وكورونا المعروف لينا وأقوي بكتير من التاني..
والدليل أن الصين قفلت كل الأسواق هناك والمدارس والنوادي وكل حاجه وبقا في حظر تام هناك وحالة من الرعب وبكين كلها هيا و29 محافظة كمان أتعرضوا للحجر الصحي..!!
والنهارده أكتشفوا 100 حالة تانيه في بكين بس من الفيروس الغريب ده..!!!
وقال بقا مدير منظمة الصحة العالمية (أدانوم غبريسوس) النهارده بيان مُخيف قال الراجل..
(حتي الدول الي أثبتت قدرتها علي إنهاء عدوي كوفيد_19 يجب أن تبقي متنبهة لأحتمال ظهور جديد للفيرس)
يعني من الأخر الراجل بيقول ان حتي الدول المتقدمة الي قدرت تسطير ع الفيروس القديم تخلي بالها لأن في فيروس جديد جاي ف الطريق..!! والي هو SARS_Cov_2 !!
وكمان الفيروس ده أكتشف في بنما النهاردة الي فيها 68620 حالة إصابة..!! وقالت بنما النهارده ان عندها أكتر من حالة كورونا من السلالة الجديدة ومتعرفش الفيروس ده وصلها ازاي !!
ونيجي بقا لمصدر الفيروس الجديد...
مصدره هو سمك السلمون..!!
وده بجد انا مش بهزر سمك السلمون هو مصدر أنتشار الفيروس الجديد ولما أكتشف الفيروس كان علي (لوحة لتقطيع سمك السلمون) زي ما حصل ف حكاية الخفاش كده..
وطبعاً سوق بكين ده من أكبر الاسواق ف الصين وأكيد ناس كتير أشترت أسماك منه وأنتقل لها المرض وشكلنا هنرجع لسيناريو شهر (1) 2020 لما أكتشف في سوق (ووهان) للأسماك فيروس أسمة coived_19 وبعدها أنتشر ف العالم كله ولحد دلوقتي أتصاب بيه 8 مليون شخص ف العالم..!!
وكل الصحف العالمية بتقول أن الفيروس ده هيسبب موجة تانية ف كل دول العالم وهتكون أشد بكتير من الموجة الأولي !!
أنت تتوقع أيه.. هل كورونا هيطول معانا وكل ما نقرب من أكتشاف العلاج هيتطور نفسه ؟!!
ف ياريت بقا نسيبنا من تريند البنت الي ماتت منتحره وتريند بنات شريف منير ونركز مع الحاجات والكوارث الي بتحصل ف العالم وكمان مشكلة سد النهضة بين مصر وأثيوبيا الي داخله خلاص ع حرب رسمي وهبقا أكتب مقال قريب عن الموضوع...
ويارب أكون قدرت أوصلكم المعلومة ف المقال الصغير ده ومتنساش تعمل شير ومنشن وفولو لو أنت جديد هنا وأدخل خدلك لفه عندي في الأكونت وشوف باقي المقالات ضروري..وأعمل شير ف كل الجروبات عشان البوست يوصل لأكبر عدد من الناس ونعرف احنا داخلين ع أيه في شهر 7 !!!
وياريت نهتم بالشير أكتر شويه وانا إن شاء الله بمجرد ما أعرف اي معلومة جديدة هعدل البوست وهنزلها في كومنت..
...ياريت نبعد شويه عن التريندات التافهه الي ملهاش اي لازمه ونركز مع الكوارث الي بتحصل ف العالم لأن الفيروس ده تركيبه يختلف مع كوفيد ١٩ ولو حصل وأكتشف علاج لكوفيد هيبقا صعب يقضي علي سارس الي طلع جديد ده والفيروس بيطور نفسه كل فتره وهيقدر أنه يبقا أقوي من الكحول والحاجات دي وهيبقا صعب التحكم فيه..!!!
٢_ياريت بلاش سمك سالمون الفتره دي أفضل..
المصادر....
لا يوجد تعليقات
أضف تعليق